Idazkaritza
Idazkaritza jendeari informazioa eta arreta emateko zerbitzua da. Bertan, ikasleak ikastetxeko unibertsitate-jarduerari dagozkion alderdi guztien berri izan dezake.
Dokumentuen erregistroa
Urriaren 1eko 39/2015 Legearen 5. artikuluaren 7. apartatuak ezartzen duenaren arabera, UNEDi atxikitako Ikastetxeei gaikuntza ematen zaie, oro har, UNEDen titulazio ofizialetan edo propioetan sartzeko, onartzeko eta matrikulatzeko administrazio-prozeduretan ikasleek aurkeztu behar duten dokumentazioa jasotzeko.
Dokumentuak erregistratzeko, nahitaezkoa da honako hauek ekartzea:
- dokumentazio originala
- fotokopiak A4n
- nortasun agiria
Beste pertsona batek aurkeztuz gero, baimen sinatua eta ikaslearen NAN, AIZ edo PASAPORTEAREN fotokopia ekarri behar dira.
Ikasle-txartela ematea
Ikastetxean
Idazkaritzako ordutegian joan zaitezke (gogoratu azterketen asteetan gure ordutegiak luzatzen ditugula). Argazkia egingo dizugu webcamarekin eta momentuan emango dizugu txartela..
E-postaren bidez
Posta bat bidali info@portugalete.uned.es helbidera, honako hauek barne:
- Karneterako argazkia, jpg formatuan eta gutxienez 400x500 pixelekoa.
- NANaren edo nortasun-agiriaren kopia eskaneatua (aurrez aurre jasotzen da, ez dugu postaz bidaltzen).
- OHARRA: Txartelaren kopiak 3 euroko kostua izango du.
Unibertsitate Txartel Adimendunak (TUI) aukera emango dizu aurrez aurreko probetara sartzeko, ikasle-txartel fisikoaren modu berean.
Ikasle ohia bazara eta aurretik argazkidun txartel fisikoa baduzu edo izan baduzu, App UNED deskarga dezakezu eta, horrela, mugikorrean izan (TUI).
Ikasle berria bazara, App UNED deskargatu aurretik, bidali hurrengo dokumentazioa info@portugalete.uned.es helbidera, aplikazioa deskargatu nahi duzula adieraziz:
- Karneterako argazkia, jpg formatuan eta gutxienez 400x500 pixelekoa.
- NANaren edo nortasun-agiriaren kopia eskaneatua
Laguntza matrikularen prozesuan
Matrikula-aldian, aholkua eta laguntza ematen dizugu matrikularen izapidean, zeina internet bidez bakarrik egiten baita.
